Petri Bellonii Cenomani De aquatilibus, Libri duo cum iconibus ad viuam ipsorum effigiem, quoad eius fieri potuit, expressis. Ad amplissimum Cardinalem Castillionæum, Paris, Apud Carolum Stephanum, Typographium Regium, 1653. ,
Orchis vel Orbis.
1. Edulis non est piscis, Ægyptiis ex Nilo familiaris, qui à testis forma Græcis ὄρχις dicitur: neque ad aliud amplius capi solet, quàm ut illi eius pellem tomento impleant, & alienigenis diuendant. Capitur circa Saiticam præfecturam, vulgo el Saet dictam. Duo sunt eius genera, ambo rotunda, corio duro contecta, ut lagenam imitari videantur: unde Græcum vulgus Flascopsarum, id est, lagenam piscem dixerunt. Piscem rotundum apud Plinium legas, sine squamis, totúmque capite constare, contectúmque durissima pelle: cuius notæ huic propemodum pisci conueniunt, quem antiqui testem ob rotunditatem, alii verò orbem appellarunt. Venetum vulgus perperàm columbum nominauit. {299}
2. Orchis Græcis & Latinis, aliis Orbis, Flascopsaro vulgo Græcorum & Columbus. {300}