Petri Bellonii Cenomani De aquatilibus, Libri duo cum iconibus ad viuam ipsorum effigiem, quoad eius fieri potuit, expressis. Ad amplissimum Cardinalem Castillionæum, Paris, Apud Carolum Stephanum, Typographium Regium, 1653. ,
Asteria, siue Stellata raia.
1. Stellatas appellant raias tum Græci, tum etiam Latini, quòd earum tergora lituris albicantibus sint variegata: cuiusmodi ea est, quam Romanum vulgus Rometam vocat. Est autem Miraleto maior, multásque in tergore maculas rotundas, Miraleti lituris persimiles gerit: tamen est cute asperiore, crassioréque corpore, cuius cauda permultis veluti spinis horret. Cæterum, gustu ac sapore nihilo est asperis raiis inferior.
2. Raiæ stellatæ quoddam genus Romanum vulgus Arzillam vocat, cuius dentes obtusi sunt, quemadmodum & Flassadæ: à qua hoc præcipuè differt, quòd cute sit asperiore, & stellas multò quàm Rometa, latiores ac pauciores habeat. {84}
Βάτος ἀστηρίας, Raia stellata, aut stellaris: Rometa, Italis: Raye estelee. {85}