CopierCopier dans le presse-papierPour indiquer l’adresse de consultation« Petrus Artedius - Historia literaria ichthyologiæ.  », in Bibliothèque Ichtya, état du texte au 29/06/2025. [En ligne : ]
CopierCopier dans le presse-papierSource de référence
Peter Artedi, Petri Artedi Sueci, medici Ichthyologia sive Opera omnia de piscibus scilicet: Bibliotheca ichthyologica. Philosophia ichthyologica. Genera piscium. Synonymia specierum. Descriptiones specierum. Omnia in hoc genere perfectiora quam antea ulla posthuma vindicavit, Recognovit, Coaptavit & Edidit Carolus Linnæus, Med. doct. & Ac., Lugduni Batavorum, Apud Conradum Wishoff, 1738.

Seculo secundo.

﹡Claudius Ælianus Sophista, Exul Græcus, fuit Auditor Pausaniæ, sub Imperatore Adriano ; floruitque anno Christi 120 circiter.
Scripta edita :
ΚΛΑΥΔΙΟΥ ΑΙΛΙΑΝΟΥ περὶ Ζόων ἰδιότητος Βιβλίονα ιξζ. Claudii Æliani de animalium natura Libri XVII. Petro Gillio Gallo, et Conrado Gesnero Helveto Interpretibus. Accessit Index locupletissimus. Colon. Allobrogum apud Philippum Albert. 1616. in 12.

Conspectus.

1. Paginæ mille et duodevinginti, præter Præfationem Gesneri, et indicem rerum locupletissimum, ab eodem Gesnero adjectum.2. Totum opus in libros 17 dividitur, et libri iterum in Capita dispescuntur.3. Capita sæqupissime admodum brevia sunt, dubitatque Gesnerus, an illa Capitum divisio ab ipso Æliano profecta sit, vel annon potius ab alio quopiam recentioribus temporibus.4. In singulis libris omnia mixta et amethodice pertractat, et jam de avibus, jam de piscibus, quadrupedibus, serpentibus, insectis et aliis rebus verba facit. Cui morbo Medicinam quærens Petrus Gillius Gallus, varia, quæ de uno animali passim et plurimis locis in Æliano exstant, in unum locum, contra Auctoris institutum, redigere sategit, ut ex ejus versione Æliani latina patet.5. Ipsum Æliani propositum non est describere animalia, et earundem species, sed omnis labor in natura, virtutibus, proprietatibus, et aliis animalium qualitatibus, indicandis, consistit. Qua occasione plurimæ historiæ et fabulæ admiscentur.6. Ex auctoribus priscis in testimonium vocat Herodotum, Homerum, Lycurgum, Ctesiam, Cnidium, Aristotelem, Democritum, Theophrastum, Eudemum, Leonidem, Byzantium, Sostratum, Eudoxum, Anaxagoram, Hipparchum, Demostratum, Nicandrum, et alios Græcos.
﹡Lucius Apulejus Afer. Madaurensis. Claruit sub Imperatore M. Antonino Philosopho Anno 163 circiter. In Apologia sua prima commemorat se scripsisse Libros de piscibus Græcè, et alios Latinè, sed nihil ex ejus scriptis de Animalibus et Piscibus exstat. Ex antecessoribus suis citat imprimis Eudemum et Lycenem quendam.
﹡Athenæus Naucratita, Grammaticus ; floruit sub Imperatore M. Antonino Philosopho, anno Christi 155 circiter.
Scripta ejus sunt :
Deipnosophistarum id est, argute scitèque in convivio disserentium libri 15. Qui græcè primum ab Aldo. Et postea Basiliæ anno Christi 1535 excusi sunt ; et demum Græce et Latine, cum commentariis Isaci Casauboni.
ΑΘΗΝΑΙΟΥ ΔΕΙΠΝΟΣΟΦΙΣΤΩΝ βιβλια πεντεκαι δεκα. Athenæi Deipnosophistarum Libr. XV. Cura et studio Isaci Casauboni, Bibliothecæ Palatinæ, Vaticanæ, aliarumque ope, auctiores emendatioresque editi. Cum interpretatione Latina Jacobi Dabllechampii, Cadomensis. Adjecti sunt Indices rerum, scriptorum, proverbiorum, vocum, accuratissimi. Apud Hieronymum Commelinum Anno 1597. in fol.

Conspectus :

1. Paginæ 702, una cum præfatione, præter indicem copiosissimum.2. Totum opus in (15) quindecim libros dividitur ; quorum septimus de piscibus imprimis agit.3. Singuli libri in nulla Capita dividuntur : Stylus jam dialogisticus, jam historicus est.