CopierCopier dans le presse-papierPour indiquer l’adresse de consultation« Petrus Artedius - Historia literaria ichthyologiæ.  », in Bibliothèque Ichtya, état du texte au 29/06/2025. [En ligne : ]
CopierCopier dans le presse-papierSource de référence
Peter Artedi, Petri Artedi Sueci, medici Ichthyologia sive Opera omnia de piscibus scilicet: Bibliotheca ichthyologica. Philosophia ichthyologica. Genera piscium. Synonymia specierum. Descriptiones specierum. Omnia in hoc genere perfectiora quam antea ulla posthuma vindicavit, Recognovit, Coaptavit & Edidit Carolus Linnæus, Med. doct. & Ac., Lugduni Batavorum, Apud Conradum Wishoff, 1738.

Vita Oppiani :

Oppianus Anazarbeus Cilix, seu ex Anazarbo Ciciliæ, in Asia minori, civitate postea CazsareaCæsarea Augusta dicta, oriundus. Patre Agesilao viro opulento, matre Zenodota natus. Cum Oppianus triginta annos natus esset, septimus Severus Romanorum Imperator, Patrem ejus in Miletum Adriatici Maris insulam, in exilium misit. In hac Insula Oppianus præclara sua poëmata in exilio scripsit, et dein Romam profectus eadem imperatori Antonino Bassiano Caracallæ Severi filio obtulit. Unde et regressum Patris ab exilio impetravit, et insuper pro quolibet Carmine aureum numisma accepit. Denique in patriam cum patre regressus, sæviente in urbe Anazarbi paullo post peste obiit. Cives Oppiani sumptuosam statuam in memoriam ejus erexerunt, cum hac inscriptione :
Oppianus, vatum decus : immortale fuissem,Invida ni gelidum rapuisset Parca sub orcumMe juvenem, placidæ clarum splendore camœnæ.Ni livor longæ violasset tempora vitæ,Non mihi laude parem quemquam terra alma tulisset.Vixit annis triginta vel paullo plus.