Source de référence : , De naturis rerum libri duo with the poem of the same author, De laudibus divinae sapientiae, T. Wright
Cap. XX
De nauta et cane cymbam regentibus
1. Relatu eorum qui testimonium de visu perhibuerunt accepi nautam, sola canis ope contentum, mare Britannicum saepius transfetare consuevisse. Solebat autem canis funes ore trahere ad imperium magistri sui, merces suas in cymba transvehentis. Nonne visus est tibi nauta iste pericula et procellas maris contempsisse, adeo ut secundum jam reperisse te censeas Amyclam ? Sed nonne sui et prodigus et temerarius fuit contemptor ?