Source de référence : , Thomas Cantimpratensis, Liber de natura rerum, Editio princeps secundum codices manuscriptos, H. Boese
XIX. De equo Nili fluminis.
1. [α] ?
[α] Equonilusa, ut dicit Michael, in flumine Nili monstrum est ingens et ferocissimum in Nilo flumine habitans. Crura et pedes et ungues ut cocodrillus habet, sed multo majora. Humanarum mortium cupidissimum est. Nam cum navis illi in portu occurrerit, unum pedem in terra figens, altero navem in anteriori arripiens facillime scindit vel aliquando inclinatam mergit. Unde fit ut, in locis quibus habitat, hominum multitudinem immanem perdat. Sed hoc bonum mundo datur, quod haec belua rarissime invenitur. Nullis instrumentis capi posset, nisi tantum reti ferreo ex catenis, quod apud Damascenos in hoc opus mira arte fabricatum est. Captum vero malleis tantum ferreis occiditur. Pellis ejus unius cubiti spissitudinem habere dicitur tantaeque esse duritiae, ut nullo jaculo vel armatura possit penetrari.
[α] Equonilusa, ut dicit Michael, in flumine Nili monstrum est ingens et ferocissimum in Nilo flumine habitans. Crura et pedes et ungues ut cocodrillus habet, sed multo majora. Humanarum mortium cupidissimum est. Nam cum navis illi in portu occurrerit, unum pedem in terra figens, altero navem in anteriori arripiens facillime scindit vel aliquando inclinatam mergit. Unde fit ut, in locis quibus habitat, hominum multitudinem immanem perdat. Sed hoc bonum mundo datur, quod haec belua rarissime invenitur. Nullis instrumentis capi posset, nisi tantum reti ferreo ex catenis, quod apud Damascenos in hoc opus mira arte fabricatum est. Captum vero malleis tantum ferreis occiditur. Pellis ejus unius cubiti spissitudinem habere dicitur tantaeque esse duritiae, ut nullo jaculo vel armatura possit penetrari.