CopierCopier dans le presse-papierPour indiquer l’adresse de consultation« Thomas Cantimpratensis - Liber de Natura Rerum — Liber VII. De piscibus marinis sive fluvialibus.  », in Bibliothèque Ichtya, état du texte au 08/09/2024. [En ligne : ]
CopierCopier dans le presse-papierSource de référence
Thomas de Cantimpré, Thomas Cantimpratensis, Liber de natura rerum, Editio princeps secundum codices manuscriptos, H. Boese (éd.), Berlin – New York, Walter de Gruyter, 1973.p. 251-275.

LIV. De muricibus.

1. [α] Plin. nat.9, 1021sourcesFirmioris iam testae murices et concharum genera, […]
[β] Plin. nat.9, 1252sources[…] Latent sicut murices circa canis ortum tricenis diebus. […]
[γ] Plin. nat.9, 1263sourcesLiquoris hic minimi est candida vena, unde pretiosus ille bibitur nigrantis rosae colore sublucens ; reliquom corpus sterile. Vivas capere contendunt, quia cum vita sucum eum evomunt. Et maioribus quidem purpuris detracta concha auferunt, minores cum testa vivas frangunt, ita demum eum expuentes.
[δ] Plin. nat.9, 1254sources[…] Simili modo et murices, sed purpurae florem illum tinguendis expetitum vestibus in mediis habent faucibus.
[ε] Plin. nat.9, 1265sourcesLiquoris hic minimi est candida vena, unde pretiosus ille bibitur nigrantis rosae colore sublucens ; reliquom corpus sterile. Vivas capere contendunt, quia cum vita sucum eum evomunt. […]
[ζ] Plin. nat.9, 806sourcesMucianus muricem esse latiorem purpura, neque aspero neque rotundo ore neque in angulos prodeunte rostro, sed simplici concha, utroque latere sese colligente. Quibus inhaerentibus plenam venti stetisse navem Periandro portantem, ut castrarentur, nobiles pueros ; […]
[α] Murices, sicut dicit Plinius, conchae marinae sunt[β] quae latent contra Canis ortum[γ] exeuntque statuto tempore. Pretiosum etiam liquorem[δ] tingendis vestibus utilem habent.[ε] Sed muricibus color in sola vena candida reperitur : reliquum corpus sterile est. Vivis hic color exprimitur, quia cum vita succum evomunt.[ζ] Mucianus auctor est, referente Plinio, quod murenis inhaerentibus navi ipsam ventis plenam – sicut de echino dictum est – stetisse navem portantem Periandro regi, ut castrarentur nobiles pueri. Non habet spericum os neque rotundum neque in angulos prodeunte rostro, sed sicut concha utroque latere clauditur.

Notes de source :

1. Firmioris iam testae murices et concharum genera, […] | 

2. […] Latent sicut murices circa canis ortum tricenis diebus. […] | 

3. Liquoris hic minimi est candida vena, unde pretiosus ille bibitur nigrantis rosae colore sublucens ; reliquom corpus sterile. Vivas capere contendunt, quia cum vita sucum eum evomunt. Et maioribus quidem purpuris detracta concha auferunt, minores cum testa vivas frangunt, ita demum eum expuentes.  | 

4. […] Simili modo et murices, sed purpurae florem illum tinguendis expetitum vestibus in mediis habent faucibus. | 

5. Liquoris hic minimi est candida vena, unde pretiosus ille bibitur nigrantis rosae colore sublucens ; reliquom corpus sterile. Vivas capere contendunt, quia cum vita sucum eum evomunt. […]  | 

6. Mucianus muricem esse latiorem purpura, neque aspero neque rotundo ore neque in angulos prodeunte rostro, sed simplici concha, utroque latere sese colligente. Quibus inhaerentibus plenam venti stetisse navem Periandro portantem, ut castrarentur, nobiles pueros ; […]