Copier dans le presse-papierPour indiquer l’adresse de consultation« Copier dans le presse-papierSource de référence, Ex Æliani Historia per Petrum Gyllius Latini facti, itemque ex Porphyrio, Heliodoro, Oppiano, tum eodem Gyllio luculentis accessionibus aucti libri XVI. De vi et natura animalium. Ejusdem Gyllii liber unus, De Gallicis et Latinis nominibus piscium, Lyon, apud Seb. Gryphium, 1533.
De Astaco. Cap. LXXIII.
1. Astacus brachia dentata forcipibus habet, nigris maculis distinguitur, dentes huic similiter ut Locustæ, cornua breviora, tenuioraque quam Locustæ: Græci et qui accolunt Adriaticum sinum etiam hac ætate Astacum vocant. Theodorus in novandis nominibus audax (secutus non parvam nationem, Cammarum adhuc vulgo nominantem) Cammarum convertit: Massilienses et Leonem et Astacum, ex Plinio diversos pisces uno eodemque nomine Ligombaudos nominant: forcipibus firmiter Astaci et Leones retinent, quicquid comprehenderunt. Cum enim Massilia permultas Boopes, Mænarum genus, et Leones, et Astacos cepissent, naviculamque, ubi hujusmodi pisces captivi tenebantur, in littus expulsam reliquissent, et Vulpes in eam ipsam ad exedendas Boopes invasisset, accidit ut hæc in horum forcipes pedem poneret, ex quo totam noctem retenta, mane a pisca toribus capta fuit.