Copier dans le presse-papierPour indiquer l’adresse de consultation« Copier dans le presse-papierSource de référence, Ex Æliani Historia per Petrum Gyllius Latini facti, itemque ex Porphyrio, Heliodoro, Oppiano, tum eodem Gyllio luculentis accessionibus aucti libri XVI. De vi et natura animalium. Ejusdem Gyllii liber unus, De Gallicis et Latinis nominibus piscium, Lyon, apud Seb. Gryphium, 1533.
De Patellis. Cap. LXXXVIII.
1. Patellæ, quas Græci Lepadas, etiam hac ætate nominant, Ligures et Massilienses Patellas vocant: una Concha clauduntur, earumque altera pars a testa inops, ad saxa sic adhærescit, ut alieno tegumento se circuncludentes, bivalvæ esse videantur, aliæ ex aliis nexæ sæpe capiuntur, easque permultas inter se nexas tanquam examen Apium vidi.