Copier dans le presse-papierPour indiquer l’adresse de consultation« Copier dans le presse-papierSource de référence, Ex Æliani Historia per Petrum Gyllius Latini facti, itemque ex Porphyrio, Heliodoro, Oppiano, tum eodem Gyllio luculentis accessionibus aucti libri XVI. De vi et natura animalium. Ejusdem Gyllii liber unus, De Gallicis et Latinis nominibus piscium, Lyon, apud Seb. Gryphium, 1533.
De Purpura. Cap. LXXXIX.
1. Purpuram Græci hac ætate etiam Porphyram appellant: Concha est e genere Turbinatorum, claviculatim intorta, aculeos certis ordinibus dispositos, corpus gradatim Cochleæ in modum ambientes habet. Purpuram diu multumque consideravi, cum aliam Concham tandiu mordicus premeret, quoad suffocata hisceret. Conficiendi purpurei coloris rationem nostri homines ignorare putantur. Olim purpurarum testas confringebant, et carnes ad tincturam condiebant, et aqua dilutas, et sordibus expurgatas, succensis ignibus in lebete coquebant, harum sanguis ab igne incalescens, fluebat, et efflorescebat, partimque flavescebat, partim Cyaneo colore fiebat, partim in alium colorem convertebatur, ac nimirum quicquid imponebatur, commutabatur in illius colorem. Purpuræ tinctura in sole versari gaudet, a sole enim radiata illuminatur et magis enitescit. Massilienses hanc, et Murices, et Buccinos vocant Bios.