Copier dans le presse-papierPour indiquer l’adresse de consultation« Copier dans le presse-papierSource de référence, Ex Æliani Historia per Petrum Gyllius Latini facti, itemque ex Porphyrio, Heliodoro, Oppiano, tum eodem Gyllio luculentis accessionibus aucti libri XVI. De vi et natura animalium. Ejusdem Gyllii liber unus, De Gallicis et Latinis nominibus piscium, Lyon, apud Seb. Gryphium, 1533.
De Pinna. Cap. XCI.
1. Pinna Conchæ genus, in limosis locis vivit, excelsa sedem nunquam mutat, radice enim nititur, ac si ex eo loco quo nititur et erecta manet revellatur, amplius vivere non potest: nostræ memoriæ Græci etiam nunc Pinnam nominant: Massilienses Nacram: Siculi Lanam Pinnulam: Neapolitani Pernam appellant: PliniusPinnis haud dissimiles Pernas Concharum generis circa Pontias insulas frequentissime ait stare, velut suillo crure longo in harena defixas hiantesque. Cicero Pinnam lib. ii. de natura deorum nobilitavit, cum ait: Pinna duabus grandibus patula Conchis, cum parva Squilla quasi societatem coit comparandi cibi: itaque quum pisciculi parvi in Concham hiantem innataverint, tum admonitu Squillæ Pinna morsu comprimit Conchas: sic dissimilimis bestiolis communiter cibus quæritur.