Copier dans le presse-papierPour indiquer l’adresse de consultation« Copier dans le presse-papierSource de référence, Ex Æliani Historia per Petrum Gyllius Latini facti, itemque ex Porphyrio, Heliodoro, Oppiano, tum eodem Gyllio luculentis accessionibus aucti libri XVI. De vi et natura animalium. Ejusdem Gyllii liber unus, De Gallicis et Latinis nominibus piscium, Lyon, apud Seb. Gryphium, 1533.
De Pectinibus. Cap. LXXXII.
1. Pectinum genus sanguinis expers, striatum, id est, pectinatim divisum, a rugis illis, sive imbricaturis ita nuncupatum: hujus generis quidam arbitrantur eas esse, quas vulgo appellant Conchas sancti Iacobi: sed aliæ oceani littoribus Gallicis cognitæ habentur. Theodorus Ctenas in Aristotele cum nunc Pectines, nunc Pectunculos convertit, eosdem facere videtur: veruntamen Plinius a Pectunculis Pectines sejunxit, perparvuli Cancri in Pectinibus nascuntur, quos piscatores simul cum eis, quorum testas incolunt, nasci asseverant.