Copier dans le presse-papierPour indiquer l’adresse de consultation« Copier dans le presse-papierSource de référence, Liber de Moralitatibus, Girard J. Etzkorn (éd.), St. Bonaventure University, New York, 2005.
<Cap. 59 : De lampreda>
1. 1. Quinquagesimo nono loco piscis ille qui dicitur vulgo lampreda hujus est condicionis secundum Iorath De animalibus. Nam formam quasi anguillae habens, quamvis diversum et pulchriformiorem colorem a parte inferiori, supra medium foramina quaedam picta et gratiosa ordinate distincta. Pretiosa est pariter et sapida specialiter delicataque inter pisces regibus et dominis multum accepta, et inter piscium genera comparative sana sanis hominibus.
2. 2. Significat viros bonos, longanimes spe, capaces caritate sive amore Dei et proximi, et aptos virtutibus et donis gratiae septiformis, pulchriformes moribus et distinctos varietate gratiarum gratis datarum cum gratia et aedificatione sive consolatione aliorum, pretiosos sapientia, sapidos eloquentia, acceptos Deo et angelis et hominibus, sanosque eloquiis et actionibus. Talis fuit beatus Stephanus, sicut habetur Act. 6 et 7. Talis fuit Barnabas, sicut habetur Act. 9, 13, 14, 151sourcesCf. Ac 9, 27 ; 13, 2 ; 14, 13 ; 15, 22.. Tales fuerunt beatus Nicholaus, beatus Benedictus, et beatus Bernardus, sicut patet ex eorum gestis et ecclesiasticis historiis.
Notes de source :
1. Cf. Ac 9, 27 ; 13, 2 ; 14, 13 ; 15, 22.