Copier dans le presse-papierPour indiquer l’adresse de consultation« Copier dans le presse-papierSource de référence, Liber de Moralitatibus, Girard J. Etzkorn (éd.), St. Bonaventure University, New York, 2005.
<Cap. 74 : De plagesia>
1. 1. Septuagesimo quarto loco piscis ille, qui vulgo appellatur plagesia, hujus est condicionis secundum Iorath. Nam est corpore latior, carne tenerior, colore albior, valore pretiosus, sapore gratus, sanitate comparative laudabilis, perfusus vino in comestione utilior et suavior invenitur.
2. 2. Significat clericos vel religiosos vel maxime praelatos qui, instar hujus piscis, debent inveniri caritate expansi, mititate benigni, castitate candidi, probitate validi, aedificatione gratiosi, doctrina sani, vino fervoris gratiae Spiritus Sancti perfusi, ut inveniantur laudabiliores et utiliores in Ecclesia Dei. Tales fuerunt apostoli et discipuli in Ecclesia primitiva, sicut habetur in Actibus Apostolorum et in Ecclesiastica historia. Tales fuerunt pastores post apostolos, sicut de multis ponit exempla beatus Gregorius in libro IV Dialogorum1sourcesCf. Greg. dial. 4, 26, 1-2., et beatus Ambrosius in libro De paradiso et beatus Hieronymus in pluribus locis, et Historia tripartita.
Notes de source :
1. Cf. Greg. dial. 4, 26, 1-2.