Source de référence : Marcus de Urbe Veteri, Liber de Moralitatibus, Girard J.Etzkorn (éd.), St. Bonaventure University, New York, 2005

<Cap. 85 : De lichia>

1. 1. Octogesimo quinto loco piscis ille qui dicitur lichia hujus est condicionis secundum Iorath. Nam magnus et grossus et longus exsistens, communis est coloris, sed melioris saporis, boni pretii et bonae sanitatis comparative.
2. 2. Significat nobiles in Ecclesia bonos qui sunt magnanimi mente, referti virtute, longanimes spe, bonae conversationis et magnae aedificationis, pretiosi probitate et sani sermone inferiorum comparatione. Tales fuerunt Fortunatus et Achaicus Corinthii, de quibus scribitur I Cor. ultimo*. Tales etiam fuerunt filii Constantini magni et Theodosii, ut habetur in Historia tripartita*.