Source de référence : , Liber de Moralitatibus, Girard J. Etzkorn
<Cap. 68 : De ragia>
1. 1. Sexagesimo octavo loco pisces illi, qui vulgo dicuntur ragiae, hujus condicionis sunt secundum Iorath, nam plus habentes in latitudine, caudam et formam habent bestialem, saporem vilem, valorem multum communem. Et ideo cibus sunt ribaldorum et similium uilium personarum.
2. 2. Significant amatores hujus saeculi, dilatantes se in temporalibus tantum, vitam et finem habentes bestialem, aedificatione et virtute sive utilitate carentes; quapropter a daemonibus devorantur. De talibus fuerunt Antiochus Illustris pessimus, de quo I Macch. 9* ; et Herodes Agrippa, de quo Act. 12*. Similiter Simon magus et Iulianus apostata, de quibus in Ecclesiastica historia*.