Copier dans le presse-papierPour indiquer l’adresse de consultation« Copier dans le presse-papierSource de référence, Liber de Moralitatibus, Girard J. Etzkorn (éd.), St. Bonaventure University, New York, 2005.
<Cap. 71 : De salmone>
1. l. Septuagesimo primo loco piscis ille qui dicitur salmon hujus est condicionis secundum Iorath. Nam magnus et nobilis exsistens, formosus est in aspectu, carne rufus, gustu delicatus et sapidus, comparative sanus, valore pretiosus, digestione medius, reputatione famosus, ingeniossimus in evadendo rete. Nam miranda astutia caudam suo capiti superponens in altumque transvolans piscatorum evadit multa celeritate et agilitate insidias.
2. 2. Significat viros mente nobiles et in Christo magnanimos, conversatione gratiosos, affectione caritativos et flammeos, unctione sive consolatione interna delicatos et suavificos, comparationeque aliorum eruditione sanos, probitate pretiosos, deliberatione discretos, opinione praeclaros, astutia erga daemones et tyrannos perspicacissimos. Tales fuerunt Machabaei, scilicet Eleazarus senior eminens et septem fratres cum matre, sicut habetur II Macch. 6 et 71sourcesCf. 2M 6, 18-31 et 7, 1-42.. Tales erant illi mille quingenti serui Dei sub patre Pachomio, sicut dicit Ambrosius De paradiso2sourcesCf. Ps.-Hier. vit. patr. Vita s. Pachomii 1, 22..