Copier dans le presse-papierPour indiquer l’adresse de consultation« Copier dans le presse-papierSource de référence, Liber de Moralitatibus, Girard J. Etzkorn (éd.), St. Bonaventure University, New York, 2005.
<Cap. 79 : De luctio>
1. 1. Septuagesimo nono loco piscis ille, qui vulgo vocatur luctius, hujus est condicionis secundum Iorath De animalibus. Nam corpore competenter magnus et inter communes pisces lacuum nobilis, colore gratus; carnem habet albam et a pinguedine noxia submotam; saporem habet acceptum, pretium bonum, sanitatem debitam, caput sive os valde aculeatum, furax et vorax inferiorum piscium est.
2. 2. Significat bonos milites christianos, nobiles genere, magnanimos in Christo mente, conversatione gratiosos, castitate ornatos, aeternorum amori deditos, aedificatorios, probos virtute, sanos sermone, zelo inflammatos, daemonum et malorum hominum persecutores avidos. Talium figuram gesserunt Ioab et Abisai filii Sarviae, Amasa et Abner milites David, sicut habetur in II Reg. 21sourcesCf. 2R 2, 1-32.. Tales etiam fuerunt qui militabant sub Constantino principe, sicut habetur in Historia tripartita2sourcesCf. Cass. hist. eccl. 1, 7-8..