Copier dans le presse-papierPour indiquer l’adresse de consultation« Copier dans le presse-papierSource de référence, Liber de Moralitatibus, Girard J. Etzkorn (éd.), St. Bonaventure University, New York, 2005.
<Cap. 76 : De tunno>
1. 1. Septuagesimo sexto loco piscis ille qui vocatur vulgo tunnus, unde et tunina, hujus est condicionis secundum Iorath De animalibus. Nam magnus corpore, repletus in ventre multa pinguedine, pretiosus valore, sapidus invenitur comestione, maxime si sit recens. Caput habet magnum, ossibus plenum, medium grossum, squamis est circumdatus, multis nationibus utilis invenitur salsatus et transportatus, durus est aliquantum digestione, non infirmus comparative.
2. 2. Significat christianos principes bonos in hoc saeculo qui, instar ejus, sunt mente in Christo magnanimi, caritate et pietate christiana referti, probitate pretiosi, conversatione approbati, supermentaliter fortificati, affectualiter fecundati et multiplicati, virtutibus muniti et projecti, omnibus gentibus utiles, aedificatione et discretione famosi. Tales fuerunt David, Ezechias et Iosias, sicut habetur in libro Regum et Paralipomenon et Ecclesiastico. Tales fuerunt Constantinus, Theodosius et Mauritius imperatores, sicut habetur in Historia tripartita1sourcesCf. Cass. hist. eccl. 3, 1-12 et 9, 6-50..
Notes de source :
1. Cf. Cass. hist. eccl. 3, 1-12 et 9, 6-50.