Copier dans le presse-papierPour indiquer l’adresse de consultation« Copier dans le presse-papierSource de référence, Bibliotheca mundi ; Vincentii Burgundi, ex ordine praedicatorum venerabilis episcopi Bellovacensis, speculum quadruplex, naturale, doctrinale, morale, historiale, Douai, Baltazar Bellerus, 1624.
Caput CII
De barchora
1. [α] TC 6, 51sourcesBarchora, ut dicit Aristotiles, animal marinum est et comedit pisces parvos. Orificium huius animalis est os fortius omni ore animalis cuiuslibet, quoniam si acceperit lapidem in ore suo, frangit eum. Hoc animal quandoque exit ad ripam et herbas depascit. Et tunc oportet ipsum in aquam reverti et submergi aqua, ne cutis dorsi eius a sole desiccetur et non possit se flectere ad nutum debitum. Comprehenditur hoc animal a piscatoribus per parvos pisciculos, quos filo vivos consutos in mari proiciunt. Pisciculi vero effugere non valentes, sed insimul fluitantes predicti animalis morsibus patent. At ipsum animal alium post alium deglutire laborans interim occupatus deprehenditur.
[1] Ex libro de natura rerum. [α] Barchora est animal marinum, habens orificium prae omnibus animalibus fortissimum. Nam et lapidem si in ore suo acceperit, eum frangit : haec quandoque ad ripas exit et herbas depascit : et quando oportet in aquam revertitur ibique submergitur, ne cutis dorsi ejus a sole exiccetur : et ad nutum debitum deflectere se non possit. Pisciculos quoque comedit et per illos deprehenditur. Piscatores namque pisciculos parvos vivos filo consutos in mare projiciunt, qui dum effugere non valent, sed insimul fluitant, animalis praedicti morsibus patent. At ipsum animal dum unum post alium transglutire laborat, interim occupatum deprehenditur.
[1] Ex libro de natura rerum. [α] Barchora est animal marinum, habens orificium prae omnibus animalibus fortissimum. Nam et lapidem si in ore suo acceperit, eum frangit : haec quandoque ad ripas exit et herbas depascit : et quando oportet in aquam revertitur ibique submergitur, ne cutis dorsi ejus a sole exiccetur : et ad nutum debitum deflectere se non possit. Pisciculos quoque comedit et per illos deprehenditur. Piscatores namque pisciculos parvos vivos filo consutos in mare projiciunt, qui dum effugere non valent, sed insimul fluitant, animalis praedicti morsibus patent. At ipsum animal dum unum post alium transglutire laborat, interim occupatum deprehenditur.
Notes de source :
1. Barchora, ut dicit Aristotiles, animal marinum est et comedit pisces parvos. Orificium huius animalis est os fortius omni ore animalis cuiuslibet, quoniam si acceperit lapidem in ore suo, frangit eum. Hoc animal quandoque exit ad ripam et herbas depascit. Et tunc oportet ipsum in aquam reverti et submergi aqua, ne cutis dorsi eius a sole desiccetur et non possit se flectere ad nutum debitum. Comprehenditur hoc animal a piscatoribus per parvos pisciculos, quos filo vivos consutos in mari proiciunt. Pisciculi vero effugere non valentes, sed insimul fluitantes predicti animalis morsibus patent. At ipsum animal alium post alium deglutire laborans interim occupatus deprehenditur.